MANILA -- Hindi na napigilan ni Pepe Herrera na ibahagi ang paghanga sa kanyang celebrity crush na si "TV Patrol" anchor Bernadette Sembrano na nakita niya sa ABS-CBN Ball nitong Sabado, Agosto 29.

View this post on Instagram

A post shared by Pepe Herrera (@pepe.herrera) on Oct 2, 2018 at 8:20am PDT

Sa Instagram nitong Martes ng gabi, inilarawan ni Pepe na "the best moment" para sa kanya ng nasabing pagtitipon ang pagkikita nila ni Bernadette.

"Confession time! This is probably the best moment of the #abscbnball2018 for me. Mula kasi nung unang beses ko nasilayan ang beauty ni Ms. Bernadette Sembrano, crush ko na siya. Kaya pag tinatanong ako sa interviews kung sino celebrity crush ko, in a heartbeat, ang sinasabi ko siya. Napakaganda kasi ng 'smiling eyes' niya. Tsaka parang hindi nagagalit," ani Pepe.

Aniya, dahil hindi niya nagawang sabihin kay Bernadette ang kanyang paghanga ay sa Instagram niya na lang ito idaraan.

"Kaya nga feeling ko pag sinabi ko na crush ko siya nang harapan, tatawa lang siya. Actually gusto ko na nga sana sabihin nung Ball kaso naisip ko din parang creepy kung sasabihin ko nang lasing. Hehe. So dito na lang. Hi Ms. Bernadette. Crush ko po kayo. Mula pa nung high school ako," ani Pepe.

"Wala naman po ako balak ligawan kayo. Takot ko lang po sa asawa niyo at sa Ten Commandments. Just being honest po. And hopefully, I will encourage other secret admirers to do the same. Hehe. Magandang Gabi," dagdag ni Pepe.

Si Bernadette ay asawa ni Emilio "Orange" Aguinaldo IV, apo ng unang presidente ng Pilipinas.