MAYNILA -- Muling sasabak sa isang daring na pelikula ang aktor na si Joem Bascon sa kanyang pagbabalik pelikula.

Watch more in iWantv or TFC.tv

Isa ang pelikulang "Double Twisting, Double Back" sa mga mapapanuod sa muling pagbubukas ng Cinema One Originals Festival 2018 kung saan makakasama niya ang baguhang aktor na si Tony Labrusca.

View this post on Instagram

A post shared by Joseph Emmanuel ‘Joem’ Bascon (@basconetti) on Sep 28, 2018 at 10:34pm PDT

“It’s a sports erotic film, kasi ‘yun nga, isa sa kanila ang may mental health disorder,” paglalarawan ni Joem sa press sa naging panayam sa kanya.

Dito inamin ng aktor na muli siyang mapapasabak sa sexy at maiinit na mga eksena.

“It’s a really daring film -- daring siya in terms of physically, mentally, sama mo na pati spiritually dahil lahat kami nung ginagawa namin ang buong pelikula, hirap na hirap kaming gawin ang mga eksena. Hindi lang sa mga routine and gymnastics kundi yung mga eksena din namin,” sabi pa niya.

At kahit na nali-linya sa mga sexy at daring roles, wala daw itong problema para sa aktor.

“Happy ako na kino-consider nila ako to do risky and daring roles na ganito kasi habang tumatanda ka, hindi mo na naman pwede gawin 'to. So ginagawa ko na ‘yung the most out of kung ano man ang offer sa akin,” ani Joem.

“Kasi by 35-40 baka hindi ko na siya kaya gawin, or talagang hindi na ako papayag nun. Pero ngayon na pwede ko pa gawin, gagawin at gagawin ko pa din,” pahayag pa ng aktor.

"I Am Original" ang tema ng pagdiriwang ngayong taon ng Cinema One Originals festival, na gaganapin mula Oktubre 12 hanggang 21 sa mga sinehan ng Gateway Cineplex, Power Plant Cinema, at piling sinehan ng Ayala Malls sa Pilipinas.