PatrolPH

Pelikula ni John Lapus, mapapanood sa Cinema One Originals 2018

ABS-CBN News

Posted at Oct 02 2018 07:30 PM

 
 
 
 
 
 
 
 
 
 
 
 
 
 
 

A post shared by John Lapus (@korekkajohn) on

MAYNILA -- Bagong journey para sa komedyante na si John "Sweet" Lapus ang kanyang bagong career bilang isang direktor.

Isa ang pelikula ni Sweet na "Pang MMK" sa mga opisyal na pelikulang kalahok sa 14th Cinema One Originals Festival na mapapanood simula ngayong Oktubre 12.

Ayon kay Sweet, hindi naging madali para sa kanya na umpisahan ang kanyang karera bilang direktor.

"Sobra kasi di ba parang, alam mo 'yung ganung feeling na lahat ng kaibigan kong reporter ang tanong sakin, 'handa ka na ba?' Ganoon ang tanong sa 'kin. 'Yung mga kaibigan ko pressured din sila for me na dapat maging maganda ang kalabasan," kuwento ni John sa naging panayam ng press nitong Martes.

At kahit baguhan sa pag di-direct ng pelikula, aminado si Sweet na unti-unti na niyang minamahal ang bagong karera.

"Feeling ko darating 'yun, pero sabi ko nga sa Star Magic, na kapag gusto pa nila akong kunin na artista, ibigay pa rin nila ako lalo na kung wala naman ding conflict," aniya.

"Pero yes, priority ko na ang pagdirek at pagsusulat pero hindi pa full-blown ngayon dahil ito pa lang to e. Pero eventually, there will be a time na si John Lapus ay writer, director na lang at hindi na siya nakikita sa silver screen or sa televison. 'Yung pangalan na lang niya 'yung nakikita na nag-flash sa inyong TV screen," pahayag pa niya.

Bukod sa "Pang MMK," narito rin ang iba pang pelikula na mapapanood sa Cinema One Originals 2018:

* "A Short History of a Few Bad Things" ni Keith Deligero

* "Asuang" ni Raynier Brizuela

* "Bagyong Bheverlyn" ni Charliebebs Gohetia

* "Double Twisting Double Back" ni Joseph Abello

* "Never Tear Us Apart" ni Whammy Alcazaren

* "Hospicio" ni Bobby Bonifacio 

* "Mamu: And a Mother Too" ni Rod Singh

* "Paglisan" ni Carl Papa

Watch more on iWantTFC

"I Am Original" ang naging tema ng pagdiriwang ngayong taon ng Cinema One Originals festival, na gaganapin mula Oktubre 12 hanggang 21 sa mga sinehan ng Gateway Cineplex, Power Plant Cinema, at piling sinehan ng Ayala Malls sa Pilipinas.

Bisitahin ang Patrol.PH para sa iba pang mga balita.