Watch more in iWantv or TFC.tv

MANILA -- Direktor na ngayon ang komedyanteng si John "Sweet" Lapus.

Sa "Magandang Buhay" nitong Huwebes, ibinahagi ni Sweet na siya ang direktor ng pelikulang "Pang-MMK" na isa sa mga kalahok sa Cinema One Originals 2018.

"Ako po ang sumulat at nag-direk ng pelikulang 'Pang-MMK' na malapit na nilang mapanood. This October 12 na po," ani Sweet na kinumpirmang parte ng kanyang pelikula si Charo Santos, ang host ng "Maalaala Mo Kaya" (MMK).

"Si Ma'am Charo ang una kong sinicure kasi sabi ko kung 'Pang-MMK' ang title ng pelikula ko, dapat nandoon si Ma'am Charo. And I'm so happy and honored na pumayag siya na mag-guest sa pelikula ko," ani Sweet.

View this post on Instagram

A post shared by Pang MMK (@pangmmk) on Sep 26, 2018 at 5:21am PDT

Bida sa pelikula ni Sweet ang aktor na si Neil Coleta at Nikki Valdez. Kasama rin sina Cherry Pie Picache, Joel Torre at Ricky Davao.

Ayon kay Sweet, 20 years in the making ang kanyang pelikula na nagsimula sa isang episode ng "MMK."

"Parang continuation ito. After 20 years 'yung pamilya na naiwan nung tatay, ito na 'yung nangyari, namatay 'yung tatay. So 'yung estranged family wala silang choice but to take care of the funeral, especially 'yung son. Parang aasikasuhin niya 'yung lamay at burol ng tatay niya na hindi niya nakilala, nakasama ng 20 years. So ano ang mangyayari, yung ganun?" kuwento ni Sweet.

Ayon kay Sweet, ilalabas din ng ABS-CBN Publishing ang libro ng "Pang-MMK" na mabibili simula rin sa October 12.