Watch more in iWantv or TFC.tv

MANILA -- Isang liham na isinulat ng kanyang asawang si Kylie Padilla ang naging sorpresa kay Aljur Abrenica sa naging pagbisita niya sa "Tonight With Boy Abunda" nitong Lunes.

Sa sulat na binasa ng host na si Boy Abunda, nagpasalamat si Kylie sa aktor sa lahat nang ginawa nito para sa kanilang relasyon.

Nagpasalamat din si Kylie at niligawan siya ulit ng aktor kaya muli silang nagkasama at nakabuo ng pamilya.

Sa ngayon ay buntis si Kylie sa pangalawang anak nila ni Aljur.

"Thank you at niligawan mo ako ulit at hinabol. LOL! Ngayon may pamilya na tayo. At palagi mong tatandaan na lagi kaming nandito para sa iyo. We love you. I love you," bahagi ng sulat ni Kylie para kay Aljur.

Nagpasalamat din si Aljur kay Kylie para sa pagmamahal at mga magandang naidulot nito sa kanyang buhay.

"Thank you for making an effort na iparamdam mo na mahal na mahal mo ako everyday," ani Aljur na nangakong gagawin ang lahat para kay Kylie at sa kanilang mga anak.

Sa ngayon ay bida si Aljur sa pinakabagong serye ng ABS-CBN na "Sandugo" kasama si Ejay Falcon.

Mapapanood ang "Sandugo" mula Lunes hanggang Biyernes pagkatapos ng "Kadenang Ginto."