MAYNILA -- Mistulang reunion ng magkakapatid na Revilla ang naganap na media conference ng pelikulang "Tres" na isang action trilogy movie ng Imus Productions at Cine Screen ng ABS-CBN Film Productions.

Dito, bibida ang magkakapatid na sina Jolo Revilla, Luigi Revilla at Bryan Revilla sa tatlong kuwento ng aksyon.

View this post on Instagram

A post shared by ABS-CBN Films, Star Cinema (@starcinema) on Sep 24, 2018 at 12:11am PDT

Sa panayam ng press nitong Lunes, hindi naiwasan na ikumpara kung sino kanilang magkakapatid ang nagpakita ng husay sa action scenes na nasa dugo na ng kanilang pamilya.

"Hindi namin siya tinitingnan na kinukumpara kami. Kumbaga isang challenge sa amin 'yun to do better," ani Jolo.

Gaya ni Jolo, ang pagsunod naman sa mga yapak ng kanyang ama at lolo ang nais tahakin ni Brian.

"Seeing kung ano ang nagawa ng Lolo [Ramon Revilla Sr.] ko at ng tatay ko [Bong Revilla] susubukan po namin na magawa ang nagawa nila," tugon ni Bryan.

Si Luigi naman na bagong pasok sa showbiz, napakinabangan ang hilig sa martial arts na kanyang ginamit sa maaksyong eksena sa pelikula.

"Since first movie ko ito, siyempre kinabahan ako. Pero I was well guided siyempre with the help of my brothers who were there with me since day one," ani Luigi.

Isa din sa napagusapan ang pagiging single ni Jolo. Dito, nilinaw niya ang pagkakadikit ng kanyang pangalan kay Rhian Ramos na kanyang leading lady sa pelikula.

"Napagusapan namin na mali-link kami sa isa't isa. Actually magkaibigan kami pero hindi namin nilalagyan ng malisya. Sana huwag lagyan ng ibang tao ng malisya," pahayag ni Jolo.

Mapapanuod ang "Tres" simula Oktubre 3.