MAYNILA — Bibida sa isang mature na pelikula sina Arci Muñoz at JC Santos sa pelikulang “Open.”

Ito ang unang beses na magsasama sina Muñoz at Santos na gaganap ng sexy para sa isang pelikula.

View this post on Instagram

A post shared by JC Santos (@j.c.santos) on Sep 17, 2018 at 1:06am PDT

Kuwento ng direktor nito na si Andoy Ranay, personal choice niya si Arci at JC para gampanan ang roles ng kanyang pelikula.

Andoy Ranay balik sa pag gawa ng pelikula kasama sina Arci Muñoz at Jc Santos @andoyranay #OPEN pic.twitter.com/xB6s50VY3D

— Kiko Escuadro Jr. (@simplengbinata) September 17, 2018

“Matagal 'yung naging proseso ng casting kasi medyo delikado ang tema, pero kailangan ko ng matatalino at matatapang na artista para gumanap doon sa dalawang main characters,” paliwanag ni direk Andoy.

Aminado naman si Arci na excited siya para sa kakaibang role na kanyang gagawin sa pelikula.

Arci Muñoz bibida sa pelikulng OPEN kasama si Jc Santos #arcimuñoz pic.twitter.com/QLfIgLsEgX

— Kiko Escuadro Jr. (@simplengbinata) September 17, 2018

“Never ako nakarinig ng kahit na sino sa circle ko... na nagkaroon ng open relationship. So for me it’s a really sensitive topic,” ani Arci.

“Maybe perfect timing naman for us para mabigyan naman ng kaunting discussion kasi totoong nangyayari siya,” sabi pa niya.

Gaya ni Muñoz, malaking adjustment din daw ang gagawin ni JC na nakilalang bida sa mga hugot na pelikula na “100 Tula Para Kay Stella” at “The Day After Valentine’s.”

JC Santos bida sa mature movie na OPEN kasama si Arci Muñoz @qaloyJCsantos #jcsantos pic.twitter.com/R7iKYNwBpK

— Kiko Escuadro Jr. (@simplengbinata) September 17, 2018

“Bago rin to for me, parang ano ba ‘to talaga? Paano 'to gagawin? Sabi ko medyo mahirap 'yung shift ng emotions... Bago sa ’kin 'yung kuwento ng long term tapos mag-try sila mag-open ng relationship,” pahayag naman ni JC.

Bukod kay Arci at JC, makakasama din sina Nikki Valdez, Alexa Ilacad at Vance Larena sa pelikula na mapapanuod bago magtapos ang 2018.