PatrolPH

TJ Monterde, malaki ang pasasalamat na makasali sa Himig Handog 2019

ABS-CBN News

Posted at Aug 29 2019 11:35 AM

Watch more on iWantTFC

MANILA -- Malalaki ang pasasalamat ni TJ Monterde na maging parte ng Himig Handog 2019.

Si TJ ang napili para mag-interpret ng awiting "Panandalian" na isinulat nina Jerome Arcangel at Cee Jay Del Rosario.

"Nakakagulat. Ang kanta na ito ay 'Panandalian' ang title so malamang it's a hugot song. Tapos ang songwriters nito ay parehong 17 years old, dalawa sila from Isabela," ani TJ.

Ayon kay TJ, isa siyang tagahanga ng Himig Handog at hindi niya inaasahan na magiging parte siya nito.

"Lagi akong nag-aabang ng songs nila ng ire-release tapos ngayon bigla na lang tumawag sa akin si Sir Jonathan Manalo ng Star Music na 'Teej, puwede ka bang mag-interpret?' 'Sir, sure ka ba?' Gusto ko rin talaga. Pero may adjustment lang ng konti kasi hindi ko sariling kanta. So medyo may challenge sa akin, pero iba, ibang exprerience. Thankful ako," ani TJ.

Ngayong Biyernes, Agosto 30, ay ilalabas ang lahat ng music video para sa 12 orihinal na komposisyon na kalahok sa Himig Handog 2019.
 
Si TJ, isang mang-aawit at kompositor mula sa Cagayan de Oro, ang nobyo ni KZ Tandingan.

Bisitahin ang Patrol.PH para sa iba pang mga balita.