MAYNILA — All out support si Loisa Andalio para sa kanyang kapareha na si Ronnie Alonte sa naganap na Star Magic All-Star Game nitong Lingo.

Sa panayam ng entertainment press kay Loisa, masaya niyang ibinahagi ang mga bagong proyekto na kanilang gagawin kasama si Ronnie.

“Kasama kami sa 'The General’s Daughter,' kaming dalawa ni Ronnie. Mayroon din kaming isang movie with Vice (Ganda) andon kami sa "Fantastika,'” sabi ni Andalio.

A post shared by Loisa Andalio 🥀🦋 (@iamandalioloisa) on May 30, 2018 at 2:20am PDT

Kuwento ng young Kapamilya star, naghahalong kaba at pananabik ang kanyang nararamdaman para sa mga makakasama niya sa bagong proyekto.

Kasama nila sa teleserye sila Angel Locsin, Albert Martinez, Maricel Soriano, Eula Valdes, Janice de Belen, Ryza Cenon at marami pang iba.

“Kinakabahan ako kasi mga batikan na artista ang mga kasama namin doon, sobrang pressure din kasi kami lang 'yung bagets doon e,” sabi pa niya.

Ayon pa kay Andalio, kahit hindi pa nagsisimula ang kanilang proyekto, nagsimula na sila makapag-bonding ng kanyng mga co-stars.

“Wala pa, kasi parang nag-look test pa lang kami, tapos story conference, ganun pa lang. Pero nung nag-story con kami, mababait po sila kaya nagkaroon na din ng bonding,” pahayag pa niya.