A post shared by Mackie Empuerto (@iammackieempuerto) on Jul 10, 2018 at 11:26pm PDT

MANILA -- Bibida na si Mackie Empuerto, isa sa tatlong miyembro ng TNT Boys, sa isang pelikula.

Isa si Mackie sa mga bida ng "Bakwit Boys" kasama sina Devon Seron, Vance Larena, at Hashtag members na sina Ryle Santiago at Nikko Natividad.

Ayon sa direktor ng pelikula na si Jason Paul Laxamana, sakto ang galing sa pag-arte at talento sa pag-awit ni Mackie sa kanyang karakter.

"Si Mackie sa character, siya 'yung main vocalist. Dapat mapabilib ka talaga kapag narinig mo siyang kumanta. It was difficult to find someone na marunong kumanta nang solid and at the same time nakakaarte. So, we looked around and the funny thing is, nag-judge ako dati ng singing contest sa Cubao and si Mackie ang nanalo doon. Through that, naalala ko ang pangalan niya, Mackie Empuerto," ani Jason Paul.

Pag-amin ni Jason Paul, hindi niya inakala na may talento rin sa pag-arte ang batang biritero.

"Na-bring up din ng executive producer namin na si Rex Tiri na, 'i-search mo ito.' 'Tawag ng Tanghalan,' siya rin 'yung naiisip ko. Tapos kinausap namin siya. Binabaan ko 'yung expectation ko sa acting niya since mahirap hanapin ang ganitong role na magaling umarte tapos biritero, na sige medyo isa-sacrifice ko ang acting at iko-coach ko siya. Surprisingly, ang galing niyang um-acting. Nakakaiyak siya, magaling siya sa dialogue, at magaling mag-memorize ng song. Everything fell into place naman," dagdag ng dirketor.

Tungkol sa pagsubok at pangarap ang kuwento ng "Bakwit Boys" na magtatampok ng anim na orihinal na awitin.

Ang "Bakwit Boys" ay isa sa walong pelikula na parte ng Pista ng Pelikulang Pilipino na magsisimulang ipalabas sa Agosto 15.