Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Beks Friends, todo pasasalamat sa natanggap na jacuzzi galing kay Vice Ganda
Beks Friends, todo pasasalamat sa natanggap na jacuzzi galing kay Vice Ganda
ABS-CBN News
Published Jun 28, 2021 05:40 PM PHT
Screengrab mula sa YouTube
MANILA -- Hindi mapigilan ang tuwa ng grupong Beks Friends sa natanggap nilang mga regalo mula sa kaibigan at kapwa komedyanteng si Vice Ganda.
Sa kanilang vlog nitong Hunyo, todo pasasalamat sina Ton Soriano, Orli, at Kitty Montecarlo nang magpunta sila sa lumang bahay ni Vice Ganda para kunin ang jacuzzi ng "It's Showtime" host.
Matatandaang ginamit na noon ng Beks Friends ang nasabing jacuzzi noong dumalaw sila kay Vice Ganda ilang buwan ang nakalipas, bago siya lumipat sa kanyang bagong bahay.
Dala-dala ang susi ng lumang bahay na ipinahiram sa kanila ni Vice Ganda, naglibot ang mga komedyante at iniuwi ang iba pang mga kagamitan na iniwan ng "unkabogable" star, tulad na lamang ng mga ilaw, stuffed toys, at hanger.
ADVERTISEMENT
Kalaunan ay dumating na ang trak na kumuha ng jacuzzi, na dinala sa bahay ng Beks Batallion.
Maliban sa kanyang galing sa pagpapatawa, nakilala na rin si Vice Ganda sa pagiging mapagbigay sa kanyang pamilya at malalapit na kaibigan.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
