View this post on Instagram

A post shared by Maris Racal (@mariesteller) on May 19, 2020 at 4:17am PDT

MAYNILA — Pag-unawa sa pinagdaaanan ng bawat isa ang hiling ni Maris Racal ngayong humaharap sa krisis ang bansa.

“Sa lahat po ng mga nanonood ngayon, gusto ko lang pong i-encourage to be more compassionate and lalo na sa digital space ang world natin ngayon,” ani Maris sa online show na “Pamilya Kowentuhan.”

“Let’s always remember to have empathy sa lahat ng mga taong kino-komentan natin, lahat ng mga taong nakikita natin on social media,” ani Maris na aminadong may hugot siya sa kanyang sinabi.

Kamakailan lang ay umani ng batikos si Maris sa social media dahil sa kanyang kontrobersiyal na post sa kanyang mga basher na ibinahagi niya sa kanyang social media accounts.

Naniniwala si Maris na kahit karamihan sa mga artista ngayon ay matatag na pagdating sa pambabatikos, mas magandang hikayatin pa rin ang lahat na maging maunawain.

“Hashtag #unbothered. I think lahat ng mga artist ngayon they are unbreakable and they are all stronger but still gusto ko lang i-encourage lahat ng mga nanonood na be more compassionate talaga,” ani Maris.

Si Maris ay isa sa mga bida ng sikat na serye na “Pamilya Ko” na natigil sa pag-ere dahil sa lockdown.