A post shared by #Hashtags Official Account (@hashtags_showtime) on Nov 9, 2017 at 8:16pm PST

MANILA -- Para sa choreographer na si Mickey Perz, ang yumaong si Franco Hernandez ang itinuturing niyang "best example" sa grupong Hashtags.

Sa eksklusibong panayam ng PUSH, sinabi ni Mickey na ang tinaguriang "Hataw Heartthrob" na si Franco ang pinakamagandang ehemplo ng grupo dahil sa kababaang-loob nito.

“Unfortunately ang pinaka-perfect student is the one that passed away," aniya."Kasi dati magaling na siya na dancer. He had a lot of commercials, he went with Philippine All-Stars to the world championships. Ang dami na niyang nagawa."

"Franco is katumbas ni Zeus (Collins), pero si Franco kahit anong rehearsals he always gives his best," dagdag ni Mickey.

Kuwento pa ni Mickey, laging tumutulong si Franco sa kanyang mga kasama.

"Parang sinasabi niya, ‘We have to be good bro!’ And to think that he’s already the best dancer. He never took it for granted and that’s the perfect example of being humble and he’s the perfect example of being a team player na gusto niya lahat umangat. And to think na sobrang bait niya. Siya actually 'yung A student ko sa lahat,” dagdag na paliwanag ni Mickey.

Pebrero noong nakaraang taon nang naging bahagi ng Hashtags si Franco. Pangako pa niya noon na ibibigay ang lahat para mapasaya ang mga manonood ng "It's Showtime" dahil minsan lang mabibigyan ng pagkakataon na maging bahagi ng isang masayang pamilya.

Pumanaw si Franco matapos malunod sa Davao Occidental noong Nobyembre 2017.