Watch more in iWantv or TFC.tv

MANILA — Nagbigay good vibes ang batang si Aaron Sunga o mas kilala bilang Mini Yorme sa paglabas niya sa “Magandang Buhay” nitong Miyerkoles.

Si Sunga ay regular co-host sa “Mini Miss U” segment ng “It’s Showtime.”

Sa “Magandang Buhay,” tinanong si Sunga tungkol sa extension ng enhanced community quarantine sa Luzon hanggang Abril 30.

“Okay lang po. Para po mabuti sa ating lahat. Para po walang mahawaan,” ani Sunga na nagbigay pugay din sa lahat ng frontliners tulad ng mga doktor at nurse.

May mensahe rin ni Sunga para sa kapwa niya bata ngayong panahon ng krisis.

“Mga bata, mga kabataan, huwag po kayong lalabas ngayon dahil mayroon pong COVID-19 o virus. Baka po mahawa kayo ng anumang sakit. Kaya po manahimik lang po kayo sa bahay. Ang kids niyo po doon na lang paglaruin sa loob ng bahay,” aniya.

Ngayon ay nasa Bagac, Bataan si Sunga kung saan kasama niya ang kanyang pamilya.

Maliban sa pagbabasa, panonood ng telebisyon at paglalaro ang pinagkakaabalahan ni Sunga habang naka-quarantine.