View this post on Instagram

A post shared by Liza Soberano (@lizasoberano) on Mar 25, 2019 at 8:24am PDT

MANILA -- Ilang araw matapos ang ang pagbibitiw ni Liza Soberano bilang Darna, ibinahagi ng kanyang talent manager na si Ogie Diaz na nakatakdang gumawa ng serye at pelikula ang aktres.

"Mayroon kaming pitching for a teleserye, tapos another movie," ani Ogie sa programang "O.M.J." ng DZMM.

Ayon kay Ogie, makakasama muli ni Liza sa bagong pelikula ang nobyo nitong si Enrique Gil.

"Ang ganda nung movie. Talagang nung ipinarinig sa amin ang istorya ay na-excite sila ni Enrique," dagdag ni Ogie.

Matatandaang nagbitiw si Liza bilang Darna dahil sa tinamo nitong pinsala sa daliri.

Samantala, dahil sa patuloy na usapan tungkol sa susunod na Darna, nagbigay rin si Ogie ng kanyang saloobin sa maaring maging susunod na Pinay superhero.

Aniya, kung siya ang masusunod, mas nais niya na isang bagong artista ang gumanap bilang Darna.

"Sabi nga ni Lea Salonga, kahit sino 'yan, Darna ang magdadala sa kanya. Ako kung ako ang tatanungin, mas gusto ko na kung sino 'yung next na Darna, dapat 'yun ang idi-discover at 'yun ang kanyang unang-unang proyekto," ani Ogie.

"Yung talagang pak! Ila-launch siya ng ABS-CBN, hindi ba? Pero sana huwag ikalaki 'yung ulo, 'yung gaganap na Darna sana huwag lalaki ang ulo," dagdag ni Ogie.