Watch more in iWantv or TFC.tv

MANILA -- May panawagan ang "Pinoy Big Brother: Otso" ex-housemate na si Mary Grace Lagos sa aktor na si Coco Martin.

Sa "Tonight With Boy Abunda" nitong Miyerkoles, ibinahagi ni Mary Grace ang pangarap na magkaroon ng break sa showbiz pagkatapos niyang mapalabas sa Bahay ni Kuya.

At kung may pagkakataon, gusto niyang maging parte ng sikat na serye sa ABS-CBN na "FPJ's Ang Probinsyano" kung saan ang kanyang idolong si Coco ang bida.

"Kung may offer sa showbiz, baka, di ba? Kahit patayin lang ako sa 'Scene of the Crime Operatives,' puwede na ako. Sabi ko nga, nananawagan ako kay Coco Martin... [kahit] tagaluto ng mga rebelde, magaling akong magluto eh," aniya.

"Ayaw ko nang mag-domestic helper kung puwede lang, hindi ba? Napasma na itong kamay ko," paliwanag niya.

Kilala ang seryeng "Ang Probinsyano" sa pagbibigay ng pagkakataon sa parehong beterano at baguhang artista.