Ngayong Linggo, isang panibagong adventure ang magsisimula dahil Kabataang Pinoy naman ang magpapakatotoo!🏕

Sama na ngayong gabi sa #PBBBigTeenAdventure, 7PM sa ating Kapamilya Channel, Kapamilya Online Live, JeepneyTV, iWantTFC, TFC at A2Z! pic.twitter.com/QObk43QaqN

— Pinoy Big Brother (@PBBabscbn) March 13, 2022

MAYNILA — Nahati sa dalawang camps ang teen housemates “Pinoy Big Brother: Kumunity Season 10” sa pagsisimula ng kanilang edisyon ngayong Linggo.

Bago tuluyang makapasok sa Bahay ni Kuya, mananatili muna sa kabundukan ang mga teen housemates at haharap sa iba't ibang hamon sa kanilang camping trip.

Ang 11 na mga housemates ay mahahati sa dalawang camps, ang Camp Masagana at Camp Matiyaga, sa pagpili ng kanilang mga sash.

Sina Maxine Trinidad, Gabb Skribikin, Dustine Mayores, Eslam El Gohari, at Rob Blackburn ang nakapili ng purple sash at mapupunta sa Camp Masagana.

Nakahanda na sa Camp Masagana ang lahat ng kanilang kailangan kabilang na ang pagkain at pagtutulugan.

Mapupunta naman sa Camp Matiyaga ang natitirang teen housemates na sina Ashton Salvador, Don Hilario, Kai Espenido, Luke Alford, Stef Draper, at Tiff Ronato.

Kinakailangang paghandaan ng Camp Matiyaga ang lahat ng kanilang pangangailangan mula sa pagkain hanggang sa matutuluyan sa pagtulog.

Mapapanood ang “PBB” araw-araw sa Kapamilya Channel, Kapamilya Online Live, A2Z Channel 11, iWantTFC, at TFC. Mayroon din itong 24/7 livestreaming sa Kumu.