MAYNILA -- Isinilang ni Marites (Miles Ocampo) si Tanggol sa kabila ng pagdadalawang-isip nito na ipalaglag ang bata sa pilot episode ng "FPJ's Batang Quiapo" nitong Lunes.

Sa unang episode ng show, tumakas mula sa otoridad si Ramon (Coco Martin) matapos mabigo sa kanyang plano pagnanakaw kasama si Olga (Ryza Cenon).

Hinabol ni Rigor (Ejay Falcon) si Ramon pero natyempuhan nito ang tahanan ni Marites. Sa desperasyon na manatili ang linya ng kanyang pamilya, ginahasa niya ang babae at pinangakong kukuhain ang anak.

Plano sana ni Marites na ipalaglag ang bata pero napigilan siya ng ina niyang si Tindeng (Precious Lara Quigaman) na ituloy ito.

Samantala, binisita ni Olga ang kapatid na si Ramon sa piitan, kung saan nalaman niyang may inanakan ito. Hinanap ni Olga ang anak ni Marites sa pagnanais na makuha ang lahat ng yaman ng kanilang pamilya.

Biglang namang nanganak si Marites habang nagititinda palengke. Doon, tinangkang nakawin ni Olga si Tanggol pero inagaw muli ni Marites ang bata.

Mapapanood ang "FPJ's Batang Quiapo" mula Lunes hanggang Biyernes, 8 p.m. sa Kapamilya Channel, Kapamilya Online Live, Cinemo, A2Z, TV5, iWantTFC at TFC.

RELATED VIDEO:

Watch more News on iWantTFC