MAYNILA -- Nagkabalikan na?

Ito ang tanong ng netizens matapos lumabas ang larawan ni Joem Bascon na dumalo sa pagdiriwang ng Bagong Taon ng pamilya ng dati nitong kasintahan na si Meryll Soriano.

Sa Instagram, ibinahagi ni Mel Martinez, tiyuhin ni Meryll, ang retrato ng kanilang pamilya na sumalubong sa Bagong Taon kasama si Joem.

View this post on Instagram

A post shared by Mel Martinez (@meliton13) on Dec 31, 2019 at 9:21am PST

Lumabas ang larawan ilang linggo matapos lumabas ang balitang hiwalay na si Joem sa long-time girlfriend nito na si Crisha Uy.

Sa nakaraang panayam, iginiit ni Joem na walang "third party" sa nangyaring hiwalayan.

Matatandaang taong 2010 nang maghiwalay sina Meryll at Joem matapos ang isang taong relasyon.

Muling nagkasama ang dalawa nang maging parte sila ng pelikulang "Culion" na isa sa mga kalahok sa 2019 Metro Manila Film Festival.

Magkasama rin ang dalawa sa seryeng "Starla" ng ABS-CBN.

Sa ngayon ay wala pang pahayag sina Joem at Meryll sa tunay na estado ng kanilang relasyon.