Dahil sa hindi pagkakaunawaan, sinunog ng 47-anyos na lalaki ang kanilang tahanan sa Dupax Del Norte, Nueva Vizcaya noong Linggo. 

Nagtalo ang lalaki at kanyang kinakasama dahil sa gustong ilipat ang mga labi ng namatay na lola ng suspek sa probinsya ng Pangasinan. 

Sa kaniyang galit, bumili ng sigarilyo ang suspek sa kapitbahay at hindi ibinalik ang posporo nito, na posible umanong ginamit upang silaban ang kaniyang sariling bahay sa Barangay Lamo. 

Bagamat agad na nakapagresponde ang mga bumbero sa insidente, hindi na nila nagawang apulain ang apoy dahil mabilis itong kumalat sa dingding na yari sa sawali. 

Agad na tumakas ang suspek subalit natagpuan itong natutulog sa kakahuyan ng nasabing barangay. Sasampahan ng kasong arson ang suspek. 

IBA PANG ULAT: 

Task group binuo para mag-imbestiga sa Tagaytay slay case
Umano'y magnanakaw, arestado sa tulong ng delivery rider
Away ng dalawang babae dahil sa lalaki, nauwi sa putol na daliri