PatrolPH

White Lady sa Davao City supot lang pala

ABS-CBN News

Posted at May 18 2022 10:04 AM | Updated as of May 19 2022 10:54 AM

Photo by Warren Labadan
Photo by Warren Labadan

DAVAO CITY - Kinilabutan ang motoristang si Warren Labadan sa nasalubong sa highway sa Puan, Davao City noong Biyernes ng gabi. 

Ayon kay Labadan, pasado alas 10 ng gabi at pauwi na sana siya nang makakita siya umano ng isang white lady na lumulutang sa gitna ng kalsada sa bypass road sa harap ng Reldo Village.

Photo by Warren Labadan
Photo by Warren Labadan
Photo by Warren Labadan
Photo by Warren Labadan

Para umanong mahiwalay sa kanyang katawan ang kanyang kaluluwa sa takot sa kanyang nakita. 

Pero nang lapitan nya ito, puting cellophane lang pala ito na nakasabit sa kable ng kuryente. 

Napag-alamang nilagyan pala ng cellophane ng di nakilalang residente ang kable ng kuryente na nakabitin sa gitna ng kalsada upang hindi maka aksidente. 

Dalawa na kasing motorista ang naaksidente sa nasabing daan dahil sa napabayaang kable. 

Panawagan niya sa may-ari ng kable na ayusin ito dahil lalo pang delikado at nagdudulot ng takot ang ang ginawa ng ilang residente na lagyan ito ng cellophane.

- ulat ni Francis Magbanua

Bisitahin ang Patrol.PH para sa iba pang mga balita.