Kakaiba ang panganganak ng isang babae sa Houston, Texas nang iluwal niya ang kaniyang anim na sanggol sa loob ng 9 minuto.

Nanganak si Thelma Chiaka mula alas-4:50 hanggang alas-4:59 ng madaling araw sa Woman's Hospital of Texas.

May timbang na 1 pound 12 ounces hanggang 2 pounds 14 ounces ang mga sanggol, na binubuo ng dalawang babae at apat na lalaki.

Ayon sa mga pag-aaral, ang tsansang manganak ng sextuplets ay 1 sa 4.7 bilyon.

Mas mataas pa umano ang tsansang matamaan ng kidlat (1 sa 9 milyon) o manalo sa lotto (1 sa 302 milyon).

Napangalanan nang Zina at Zuriel ang dalawang babaeng sanggol. Hindi pa napapangalanan ang apat sa sextuplets.

Ayon sa ospital, maayos ang kalagayan ng anim na sanggol, na naka-confine ngayon sa neonatal intensive care unit ng ospital.

-- Isinalin mula sa ulat ng Daily Mail