Bago pa man siya makilala ng nakararami sa social media, batikan na kung maituturing pagdating sa negosyo si Wilbert Tolentino.

Sa naging panayam sa kaniya ni Karen Davila para sa programang "My Puhunan: Kaya Mo!", ibinahagi niya na samu't saring negosyo ang pag-aari niya na hindi niya kinatakutang gawin.

"Risk taker ako, Ms. Karen, and the siyempre 'pag hindi mo makukuha ang success 'pag hindi mo subukan talaga," pagbabahagi niya.

January 2023 nang buksan ni Wilbert ang isang Japanese restaurant sa Quezon City.

Ang pagbubulgar niya, kinuha niyang business partner ang dati niyang karelasyon.

"Naniniwala ako kasi sa every business ko, once na na-establish na namin, puwede na akong magjump ng another ulit and then sila na 'yung nagpapatakbo tutal naka-POS lahat 'yun, naka-CCTV lahat 'yun and then key person ako naman naglalagay doon yung talagang matagal na sa akin, naka-pundasyon na sa akin," pagdedetalye ni Wilbert.

Matagal na chef sa Japan si Sebastian See at iba ang pagpapahalagang natutunan niya dito lalo na nang magdesisyon siyang i-negosyo ito.

"Kailangan mo lang passion. Kailangan talaga dito (nakaturo sa puso) dapat eh. Sa Japan kasi when we are cooking, ang sinasabi ng sensei (teacher), cook with your heart," aniya.

Alamin ang inspirasyon ni Wilbert Tolentino sa pagnenegosyo dito sa 'My Puhunan: Kaya Mo!' kasama si Karen Davila.