PatrolPH

Presyo ng ilang gulay bumaba sa ilang palengke sa Metro Manila

ABS-CBN News

Posted at Oct 17 2021 04:51 PM | Updated as of Oct 17 2021 06:23 PM

Watch more on iWantTFC

Bumaba ang presyo ng ilang gulay galing Benguet sa ilang palengke sa Metro Manila, base sa pag-iikot ngayong Linggo.

Nai-deliver na kasi sa Metro Manila ang mga gulay ilang araw matapos manalasa ang Bagyong Maring.

Sa Commonwealth Market sa Quezon City, kasama sa mga nagmurang gulay ang mga sumusunod:

  • Repolyo - P240 kada kilo mula P360 kada kilo
  • Pechay - P150 kada kilo mula P280 kada kilo
  • Labanos - P200 kada kilo mula P400 kada kilo

Mas marami na rin ang namamalengke sa Commonwealth Market ngayong Linggo, ikalawang araw ng Alert Level 3 sa Metro Manila.

Itinaas na kasi sa 50 porsiyento ang kapasidad ng mga palengke mula sa dating P30 porsiyento.

Temperatura na lang ang kinukuha sa mga mamimili at hindi na sila hinihingan ng quarantine pass o vaccination card.

Maaari ring makapasok at mamili ang mga galing ng ibang lungsod.

Pero ayon sa ilang tindera, hindi pa nila ramdam ang pagbalik sa dati ng kinikita.

Marami pa rin kasi umanong mga suki ang kapos sa budget.

"Madaming taong lumalabas pero budgeted pa rin 'yong pamimili nila," sabi ng tindera ng baboy na si Mylene Naculanga.

— Ulat ni April Rafales, ABS-CBN News

Bisitahin ang Patrol.PH para sa iba pang mga balita.