(UPDATE) Muling magkakaroon ng pagtaas sa presyo ng produktong petrolyo sa Martes, Agosto 29.

Base sa abiso ng mga kompanya ng langis, narito ang halaga ng oil price hike:

Caltex (Alas-12:01 ng hatinggabi)
GASOLINA +P0.30/L
DIESEL +P0.70/L
KEROSENE +P0.80/L

Shell, Seaoil (Alas-6 ng umaga)
GASOLINA +P0.30/L
DIESEL +P0.70/L
KEROSENE +P0.80/L

Jetti Petroleum, Phoenix Petroleum, PTT Philippines, Petro Gazz (Alas-6 ng umaga)
GASOLINA +P0.30/L
DIESEL +P0.70/L

Cleanfuel (Alas-4:01 ng hapon)
GASOLINA +P0.30/L
DIESEL +P0.70/L

Watch more News on iWantTFC

Ito na ang ikawalong sunod na linggong may taas-presyo sa diesel habang ikapito naman sa gasolina.

Ayon kay Energy Assistant Director Rodela Romero, nagkaroon ng taas-presyo dahil sa pagbabawas ng oil inventory ng United States, na nangangahulugang tumaas ang demand para sa langis doon.

Hindi pa masabi ni Romero kung hihinto na sa susunod na linggo ang serye ng oil price hike.

LPG

Nagbabadya ring tumaas ang presyo ng liquefied petroleum gas (LPG) sa Biyernes, Setyembre 1.

Nauna nang sinabi ng Regasco na tinatayang nasa P2 hanggang P4 kada kilo ang taas-presyo pero ttumaas pa ang forecast sa P3 hanggang P6 kada kilo dahil sa pagtaas ng contract price.

— Ulat ni Alvin Elchico, ABS-CBN News