Watch more in iWantv or TFC.tv

Tumaas ang presyo ng ilang klase ng gulay at isda sa Murphy Market nitong Lunes, bunsod ng sunod-sunod na pag-ulan.

P20 hanggang P30 ang itinaas sa presyo ng ilang gulay na galing sa Benguet at Southern Tagalog.

Presyo ng mga gulay

• Repolyo → P120/kilo (dating P80/kilo)
• Petsay → P120/kilo (dating P80/kilo)
• Kamatis → P120/kilo (dating P80/kilo)
• Bawang → P150/kilo (dating P120/kilo)
• Pipino → P100/kilo (dating P70/kilo)
• Sayote → P60/kilo (dating P40/kilo)
• Luya → P130/kilo (dating P110/kilo)
• Labanos → P100/kilo (dating P85/kilo)
• Cauliflower → P100/kilo (dating P80/kilo)
• Brocolli → P150/kilo (dating P80/kilo)
• Talong → P100/kilo (dating P80/kilo)
• Ampalaya → P100/kilo (dating P80/kilo)
• Carrots→ P80/kilo (dating P70/kilo)

Sumabay din sa pagtaas ng presyo ang isda.

Ang galunggong, nasa P80 hanggang P100 kada kilo ang itinaas.

Presyo ng isda:

• Galunggong → P280 hanggang P300/kilo (dating P200/kilo)
• Bangus → P180/kilo (dating P160/kilo)
• Tilapia → P130/kilo (dating P120/kilo)

Matatandaan na sa mga nakalipas na araw ay inulan ang ilang parte ng Luzon, partikular na ang Cordillera, at ilang karatig-lugar ng Metro Manila gaya ng Southern Luzon dahil sa habagat na dala ng Bagyong Fabian.

Bagay ang pag-ulan na nagdulot ng matinding pagbaha at landslide na nakaapekto sa maraming residente.

-- Ulat ni Lyza Aquino, ABS-CBN News