PatrolPH

Mga Pinoy na walang trabaho o kulang ang kita, lumobo muli dahil sa pandemya

ABS-CBN News

Posted at Mar 30 2021 08:13 PM

Watch more News on iWantTFC

MAYNILA — Isa sa mga natanggal sa trabaho bilang mananahi si Aling Nida, kaya napilitan siyang mangutang sa "5-6" para makapagtinda sa sidewalk sa Quezon City.
    
Pero ngayong may pandemya at nag-lockdown na naman, hirap na siyang pagkasyahin ang kinikita para sa pang araw-araw.

"Ngayon hindi po ako nakabayad ngayon sa bahay. Wala lockdown, walang kita," hinaing niya. 

Isa lang si Aling Nida sa milyon-milyong Pilipino na walang trabaho.

Tumaas na naman kasi ang bilang ng mga Pilipinong walang trabaho noong Pebrero dahil sa epekto ng hindi pa rin masawatang pagkalat ng COVID-19 sa Pilipinas.

Mula sa 4 milyong unemployed noong Enero, 200,000 agad ang nadagdag sa mga jobless nitong Pebrero.

Umabot na sa 8.8 percent ang unemployment rate sa bansa. 

Ayon sa Philippine Statistics Authority, inaasahan na talaga nila ang pagtaaas ng unemployment rate sa bansa dahil marami pa rin mga kompanya o establisimyento ang nanatiling sarado o limitado lang ang operasyon.

Kabilang sa mga industriyang malubhang tinamaan ng pandemya ang accommodation and food services sector kung saan umabot sa 1.3 million ang bilang ng unemployed.
    
Dahil sa hirap ng buhay sa gitna ng pandemya, dumami rin ang mga Pilipinong naghahanap ng pandagdag kita para sa pang araw-araw na gastusin. 

Ang underemployment rate, umakyat sa 18.2 percent noong Pebrero mula 16 percent noong Enero. Katumbas ito ng 7.9 milyong tao.

Hindi pa kasama sa datos ang epekto ng panibagong ECQ sa NCR Plus.

Siniguro naman ng economic managers na hindi sasayangin ng gobyerno ang pagpapatupad muli ng ECQ sa Metro Manila at kalapit ng mga probinsya… 


—Ulat ni Bruce Rodriguez, ABS-CBN News 

RELATED VIDEO

Watch more News on iWantTFC

 

Bisitahin ang Patrol.PH para sa iba pang mga balita.