PatrolPH

Mga gasolinahan dinagsa Lunes ng gabi bago ang oil-price hike

ABS-CBN News

Posted at Mar 08 2022 12:20 AM

Dinagsa ang mga gasolinahan sa bansa nitong Lunes ng gabi bunsod ng pagtaas ng presyo ng produktong petrolyo.

Hindi ininda ng maraming motorista ang haba ng pila para makatipid, katulad ng gasolinahan na ito sa Angeles City, Pampanga na nakuhanan ng video.

Watch more News on iWantTFC

Kita rin ang pagdagsa ng mga motorista sa ilan sa mga gasoline station sa bayan ng Cainta, Rizal.

Ipapatupad ang malakihang sirit sa presyo ng petrolyo sa Martes, Marso 8. Ito ang ika-10 sunod na linggong nagkaroon ng oil-price hike.

Kasama ang dagdag sa Martes, maglalaro na sa P66 hanggang P85 ang litro ng gasolina habang P58 hanggang P73 naman sa diesel.

Hahayaan umano ng Department of Energy na isang bagsak ang big-time oil-price hike dahil sa giyera sa Ukraine dahil baka may dagdag ulit umano sa susunod na linggo at lalo lang lumobo ang dagdag-presyong tatama sa mga motorista.—Ulat nina Gracie Rutao, Trisha Mostoles at Anjo Bagaoisan, ABS-CBN News

KAUGNAY NA ULAT

Watch more News on iWantTFC
Bisitahin ang Patrol.PH para sa iba pang mga balita.