Kabuuang inflation noong 2018 pinakamabilis sa loob ng 9 taon

Bumagal pa ang inflation, o ang pagtaas ng presyo ng mga bilihin at serbisyo, sa 5.1 porsiyento noong Disyembre 2018, ayon sa Philippine Statistics Authority.

Ito ang pinakamabagal na inflation na naitala mula Hunyo 2018. Pangalawang buwan nang bumagal ang inflation matapos ang 6 porsiyento na naitala noong Nobyembre.

The Philippine’s year-on-year headline inflation in December 2018 was 5.1 percent. This is the lowest annual rate since June 2018. @PSAgovph #inflation #PHPCPI

— @PSAgovph (@PSAgovph) January 4, 2019

Mas mabagal dito ito sa tantiyang 5.6 porsiyentong inflation ng ilang ekonomista.

• Inflation seen easing to 6-month low in December: poll

Kabilang sa pinakamalaking nag-ambag ng taas-presyo ang pagkain, inumin, kuryente, at mga kainan at iba pang serbisyo.

Watch more in iWantv or TFC.tv

Bagaman naitala ang pagbagal noong Disyembre, bumilis pa rin ang kabuuang inflation noong 2018 sa 5.2 porsiyento mula 2.9 porsiyento noong 2017—na pinakamabilis na antas mula 2009.

Bumilis ang taunang inflation sa NCR sa 5 porsiyento noong 2018 mula 3.7 porsiyento noong 2017.

Naitala naman ang pinakamabilis na kabuuang inflation sa Autonomous Region in Muslim Mindanao (ARMM) noong 2018 sa 7.1 porsiyento.

Pinakamababa naman ang sa Central Luzon na nagtala ng 3.2 porsiyentong inflation noong nakaraang taon.