Dating nagtrabaho bilang guro at principal ng Ligaya Elementary School sa lalawigan ng Quirino si Pacita Piano. Ngunit matapos niyang mag-retiro, ngayon ay nagsisilbi siya rito bilang isang janitress.

Kuwento ni Nanay Pacing, nagkapatong-patong ang mga suliranin niya matapos siyang magretiro.

May mga kamag-anak siyang nangutang sa kanya, at hindi na nila nabayaran ito. Matapos masunog ang bahay ni Nanay Pacing, kasama na ang mga listahan ng utang ng kanyang mga kamag-anak.

Dahil dito, kahit siya ay 84 taong gulang na, nagtatrabaho pa rin si Nanay Pacing bilang janitor sa parehong eskwelahan kung saan siya ay dating principal.