Pasig nagpatupad ng odd-even traffic scheme

MANILA - Nagpatupad ng experimental odd-even traffic scheme ang pamahalaang lungsod ng Pasig simula ngayong Huwebes.

Ayon kay Philip Reyes, hepe ng Pasig traffic enforcement division, sakop ng traffic scheme ang:

- Elisco Road westbound;
- R. Jabson street northbound;
- intersection ng Elisco Road, M. Concepcion Street at R. Jabson Street;
- San Guillermo Street eastbound; at
- Sandoval Avenue northbound.

Hindi papayagang dumaan sa mga nasabing kalasada ang mga sasakyan na may apat na gulong at nagtatapos sa even number ang plaka tuwing Lunes, Miyerkules at Biyernes, simula ala-6 ng umaga hanggang alas-11 ng gabi.

Bawal namang bumiyahe roon ang mga nagtatapos sa odd number ang plaka tuwing Martes, Huwebes, Sabado at Linggo.

Nilinaw naman ni Reyes na wala pang multa sa mga lalabag sa traffic scheme dahil nasa experimental stage pa lang ito.