Binaha ang iba't ibang parte ng Kamaynilaan matapos ang walang humpay na pag-ulan simula pasado hatinggabi ng Sabado.

Sa Manila Bay, inanod pa sa pampang ang sandamakmak na basura bunsod ng malakas na hampas ng mga alon.

Taken earlier today, huge waves with heaps of trash smash the wall at Manila Bay. 📹 DepEd Teachers pic.twitter.com/21BiFBTXDD

— Kevin Manalo (@kevinmanalo_) August 11, 2018

Zero visibility rin at unti-unti nang umaakyat ang baha sa ilang bahagi ng Quezon City.

Mas lumakas pa ang ulan sa Quezon City pic.twitter.com/3BBAA8I6Ju

— Dennis Cabral Datu (@Dennis_Datu) August 11, 2018

Sa Araneta Avenue, umabot na sa lagpas tuhod ang baha.

PANOORIN: Iniiwasan na ng mga motorista ang Araneta Avenue dahil lagpas tuhod na ang baha #FloodPatrol | via @arraperezDZMM pic.twitter.com/xWlzbjLDPP

— DZMM TeleRadyo (@DZMMTeleRadyo) August 11, 2018

Halos zero visibility na rin sa Commonwealth Avenue papuntang Quezon Memorial Circle dahil sa malakas na buhos ng ulan.

TINGNAN: Halos zero visibility na sa Commonwealth Avenue papuntang Quezon Memorial Circle dahil sa malakas na buhos ng ulan | via @arraperezDZMM pic.twitter.com/6DenVHoije

— DZMM TeleRadyo (@DZMMTeleRadyo) August 11, 2018

Lagpas na rin sa gutter ang baha sa Visayas Avenue.

PANOORIN: Umabot na sa gutter ang baha sa Visayas Avenue, Quezon City bunsod ng malakas na buhos ng ulan #FloodPatrol | via @arraperezDZMM pic.twitter.com/fmdfouhViM

— DZMM TeleRadyo (@DZMMTeleRadyo) August 11, 2018

Na-stranded pa ang ilang commuters sa Quezon City, habang ang iba naman ay sinuong na lang ang malakas na ulan.

TINGNAN: Stranded ang ilang commuters sa Quezon City, habang ang iba naman ay sinuong ang malakas na ulan | via @arraperezDZMM pic.twitter.com/Sbpx4uNs7n

— DZMM TeleRadyo (@DZMMTeleRadyo) August 11, 2018

Sa Marikina City, itinaas na sa ikatlong alarma ang antas ng tubig sa Marikina River dahil umabot na sa lagpas 18 metro ang taas nito.

Ikalawang alarma, itinaas sa Marikina River as of 2:14 PM dahil umabot na sa 16.2 meters ang antas ng tubig sa ilog (📷: Marikina PIO) | via @arraperezDZMM pic.twitter.com/olZ5rdlNj1

— DZMM TeleRadyo (@DZMMTeleRadyo) August 11, 2018

Sa kuha ng isang Bayan Patroller, isang nakaparadang kotse sa gilid ng Marikina River ang lumubog pasado alas-2 ng hapon.

PANOORIN: Isang nakaparadang kotse sa gilid ng Marikina River, lumubog pasado alas-2 ng hapon. Ayon sa Marikina CDRRMO, walang tao sa loob ng sasakyan. Kasalukuyang nasa 16.4 meters o ikalawang alarma ang ilog #WeatherPatrol | 📹 Bayan Patroller Artemis Lumacang pic.twitter.com/OFSLD0weMf

— Bayan Mo, Ipatrol Mo (@bayanmo) August 11, 2018

Wala naman daw tao sa loob ng sasakyan, ayon sa mga awtoridad.

Sa isa pang video na ipinadala ng Bayan Patroller, kitang abot-leeg na ang baha at lubog na rin ang basketball court sa Kaingin Bukid, Bgy. Apolonio Samson, Quezon City ngayong hapon.

Abot-leeg na ang baha at lubog na rin ang basketball court sa Kaingin Bukid, Brgy. Apolonio Samson, Quezon City ngayong hapon dahil sa tuluy-tuloy na buhos ng malakas na ulan #WeatherPatrol | via Bayan Patroller Bennie Echavez pic.twitter.com/tytH1Rzt6N

— Bayan Mo, Ipatrol Mo (@bayanmo) August 11, 2018

Isa ring Bayan Patroller ang nagpadala ng video upang ipakita ang sitwasyon nila sa Antoinette Street, Parkway Village sa Apolonio Samson, Quezon City.

TINGNAN: Lubog na sa baha ang Antoinette Street, Parkway Village sa Apolonio Samson, Quezon City | via Bayan Patroller @fourbes13 pic.twitter.com/e2T7o85sgU

— ABS-CBN News (@ABSCBNNews) August 11, 2018

Tumirik naman ang isang sasakyan sa gitna ng NS Amoranto Sr. street sa Quezon City at hindi na nakatawid pa dahil sa taas ng baha sa lugar.

Tumirik sa gitna ng NS Amoranto Sr. St., sa Quezon City ang isang sasakyan na hindi na nakatawid pa dahil sa taas ng baha sa lugar #TrafficPatrol #WeatherPatrol | via Bayan Patroller Franklin Macasling pic.twitter.com/hWYc74lcWe

— Bayan Mo, Ipatrol Mo (@bayanmo) August 11, 2018

Lubog na rin sa baha ang Sto. Domingo street sa Bgy. Sto. Domingo, Quezon City kaya't ang iba'y nagbabangka na.

TINGNAN: Lubog na rin sa baha ang Sto. Domingo St, sa Brgy. Sto. Domingo, QC #TrafficPatrol | via Gigie Cruz, ABS-CBN News pic.twitter.com/4ZSnZi7aCV

— DZMM TeleRadyo (@DZMMTeleRadyo) August 11, 2018

Ang NLEX Southbound palabas ng Balintawak Exit, nakararanas na rin ng napakabigat na daloy ng trapiko na umaabot na sa bahagi ng Valenzuela.

NLEX Southbound palabas ng Balintawak Exit, nakararanas ng napakabigat na daloy ng trapiko at malakas na ulan; umaabot na sa bahagi ng Valenzuela ang traffic #TrafficPatrol #WeatherPatrol | ulat ni @RonLopezPH pic.twitter.com/YZgJraYfs6

— DZMM TeleRadyo (@DZMMTeleRadyo) August 11, 2018

Ayon sa huling advisory ng PAGASA, Red Warning Level na sa Metro Manila at Rizal dahil sa ulang dala ng southwest monsoon na pinalakas pa ng bagyong "Karding."

Samantala, sinabi ng National Grid Corporation of the Philippines (NGCP) na nakahanda sila sa maaaring maging epekto ng labis na bagsak ng ulan sa suplay ng kuryente sa bansa.

Siniguro umano nilang maayos ang kanilang mga equipment at kagamitan sakaling magkaroon ng sira ang anumang pasilidad ng kuryente.

Sa ngayon, wala pang naitatalak isyu ng pagkawala ng kuryente dahil sa tuloy-tuloy na pag-ulan.