Actor na si CJ Ramos at isa pang suspek, arestado sa buy bust operation sa Quezon City kagabi pic.twitter.com/dBtQGAF5TD

— Jerome Lantin (@JeromeLantin) August 3, 2018

MANILA - Timbog ang dating child star na si CJ Ramos nang mahuli ng mga pulis na bumibili ng shabu sa Tandang Sora, Quezon City, Huwebes.

Ayon sa mga pulis, nakatanggap sila ng impormasyon na may bentahan ng droga na nagaganap sa naturang lugar kaya't naaktuhan nila si Ramos na bumibili ng shabu sa isang babaeng tulak.

pic.twitter.com/UVT2eEP76R

— Jerome Lantin (@JeromeLantin) August 3, 2018

Inamin ni Ramos na gumagamit siya ng ilegal na droga dahil sa mga personal na problema.

Nakuha mula sa mga suspek ang 2 sachet ng shabu na nagkakahalaga ng P2,000.

CJ Ramos, umamin kay NCRPO Chief Guillermo Eleazar na naadik siya sa droga dala ng mga problema pic.twitter.com/FdYNo05m5y

— Jerome Lantin (@JeromeLantin) August 3, 2018

Sumikat bilang child star si Ramos noong 1990s kung saan nagbida siya sa ilang pelikula kabilang na ang "Ang TV Movie: The Adarna Adventure" at "Tanging Yaman."

- ulat mula kina Jerome Lantin at Arra Perez, ABS-CBN News