MANILA - Minarkahan ng DZMM ang ika-30 taon nito ng pagbabalita at serbisyo-publiko sa pamamagitan ng Grand Kapamilya Day sa Malate, Maynila Linggo.

Pinangunahan ni ABS-CBN Integrated News and Current Affairs head Ging Reyes ang pagbubukas ng selebrasyon sa San Andres Sports Complex.

ABS-CBN INCA Head Ging Reyes: Nagsimula ang DZMM sa isang mesang kagamitan lang. #DZMM30 | via @zhandercayabyab pic.twitter.com/rNd97dDsXj

— DZMM TeleRadyo (@DZMMTeleRadyo) July 31, 2016

Pangako ni Reyes sa mga taga-subaybay ng DZMM, asahan pa ang mas pinaigting na pagbabalita ng istasyon.

Kaugnay ng naturang pangako, pinasinayaan ni Fr. Jerome Marquez, anchor ng Salitang Buhay sa DZMM, ang pagbabasbas sa kauna-unahang outside broadcast (OB) van ng DZMM.

Bagong news van ng DZMM, pinasinayaan #DZMM30 | via @zhandercayabyab pic.twitter.com/Pwgg7udeoa

— DZMM TeleRadyo (@DZMMTeleRadyo) July 31, 2016

Maghahatid ang OB van ng mas pinagandang audio-visual news para sa DZMM viewers.

Alinsunod naman sa DZMM motto na "Una sa balita, una sa public service," naghandog ang istasyon ng sari-saring serbisyo-publiko sa anibersaryo nito.

Ilan lang sa mga serbisyong tampok sa Grand Kapamilya Day ang mga libreng konsultasuong medikal at legal, mga seminar na pang-negosyo, dermatological services gaya ng diamond peel, mga libreng pananim at bagsak-presyong bilihan ng gulay.

Libreng mga buto at binhi, ipinamimigay sa #DZMM30 Grand Kapamilya Day | via @zhandercayabyab pic.twitter.com/d9vLdzLFYO

— DZMM TeleRadyo (@DZMMTeleRadyo) July 31, 2016

Star Gazer ng Pinoy Vibes, nagbigay impormasyon kung paano mag-aura reading. #DZMM30 | via @_jeanynsantiano pic.twitter.com/vexD76cgbI

— DZMM TeleRadyo (@DZMMTeleRadyo) July 31, 2016

TINGNAN: Hatid ng 'Magandang Gabi Dok' booth ang libreng konsulta sa dugo. #DZMM30 | via @_jeanynsantiano pic.twitter.com/1Ho7ObIlIF

— DZMM TeleRadyo (@DZMMTeleRadyo) July 31, 2016

TINGNAN: Libreng diamond peel sa booth ng 'Ma-Beauty Naman Po'. #DZMM30 | via @_jeanynsantiano pic.twitter.com/cAlJokddXd

— DZMM TeleRadyo (@DZMMTeleRadyo) July 31, 2016

Nagpa-raffle din ng mga premyo ang DZMM programs na "Failon Ngayon," "My Puhunan," "Salamat Dok", "Kabayan," "Dos Por Dos," at "Usapang De Campanilla".

Kabilang sa mga nakiisa sa pagdiriwang ang mga DZMM anchors at reporters na sina Karen Davila, Julius Babao, Ahwel Paz, Winnie Cordero, Dr. Bless Salvador, May Valle-Ceniza, Dr. Carl Balita, DJ Richard Enriques, Atty. Joey Lina, Dr. Lulu Marquez, Jing Castañeda at maraming iba pa.

Karen Davila, nagpasalamat dahil numero uno ang programang 'Pasada Sais Trenta.' #DZMM30 | via @_jeanynsantiano pic.twitter.com/wIIt1GssUW

— DZMM TeleRadyo (@DZMMTeleRadyo) July 31, 2016

DZMM anchors at reporters nasa #DZMM30 Grand Kapamilya Day sa San Andres Gym, Manila | via @zhandercayabyab pic.twitter.com/xwFBvxJVqd

— DZMM TeleRadyo (@DZMMTeleRadyo) July 31, 2016

Radyo Patrol reporters sa #DZMM30 Grand Kapamilya Day | via @zhandercayabyab pic.twitter.com/F2LwhGBuJH

— DZMM TeleRadyo (@DZMMTeleRadyo) July 31, 2016

Pangkat Kaunlaran, nasa #DZMM30 Grand Kapamilya Day sa San Andres Gym, Manila| via @zhandercayabyab pic.twitter.com/YFsV3BZaD2

— DZMM TeleRadyo (@DZMMTeleRadyo) July 31, 2016

TIGNAN: Nasa entablado si Julius Babao at Fr. Jerome Marquez, SVD para sa raffle draw #DZMM30 | @AGAMogato pic.twitter.com/MfmrX9MaUX

— DZMM TeleRadyo (@DZMMTeleRadyo) July 31, 2016

Dra. Lulu Marquez ng 'Private Nights', nagbigay ng payo tungkol sa sex at relationship. #DZMM30 | @_jeanynsantiano pic.twitter.com/QjTZdHSAC0

— DZMM TeleRadyo (@DZMMTeleRadyo) July 31, 2016

DZMM anchors DJ Richard Enriquez at Joey Lina sa #DZMM30 Grand Kapamilya Day | via @zhandercayabyab pic.twitter.com/t71fgoCYj5

— DZMM TeleRadyo (@DZMMTeleRadyo) July 31, 2016

Hindi bababa sa 1,000 Kapamilya ang nakisaya sa Grand Kapamilya Day, kasama na ang masusugid ng taga-suporta ng DZMM.

TINGNAN: Lola Rose, 88, mahigit dalawang dekada nang nakikinig kay Ted Failon ng 'Failon Ngayon' sa DZMM. #DZMM30 pic.twitter.com/a4sdUbmf4j

— DZMM TeleRadyo (@DZMMTeleRadyo) July 31, 2016

Lolo na nagpakilala bilang 'Amalia Fuentes', 74, nakapila upang makita si Ahwel Paz ng Mismo.| @_jeanynsantiano pic.twitter.com/t1JhZRAOaq

— DZMM TeleRadyo (@DZMMTeleRadyo) July 31, 2016

Bukod sa Grand Kapamilya Day, bahagi din ng year-long anniversary celebration ng istasyon ang naunang paglulunsad ng DZMM 30th anniversary logo, bagong Station ID tampok si Piolo Pascual at espesyal na segment na "Kwento ng Tatlong Dekada" na nagbabalik-tanaw sa mga hindi malilimutang balita ng DZMM.

-- May mga ulat nina Jasmin Romero at Jeanyn Santiano, ABS-CBN News; Zhander Cayabyab, DZMM