Bulacan, binaha ang ilang bahagi dahil sa malakas na ulan

Angel Movido, ABS-CBN News

Posted at Jul 16 2017 07:47 AM

MANILA - Binaha ang ilang bahagi ng Sta. Maria, Bulacan dahil sa malakas na ulan kahapon.

Aabot sa pitong oras ang pagkakababad sa baha ang mga bahay sa Brgy. Tumana.

Ayon sa mga residente, mabilis tumaas ang tubig simula nang umulan bandang 5:00 PM kahapon.

Nasanay na raw sila sa baha tuwing umuulan, pero hindi pa rin naalis ang takot na may madisgrasya o may makuhang sakit dahil sa dumi ng tubig na umaagos sa kanilang mga bahay na galing umano sa mga poultry farms.

Isinisi din nila ang pagbaha sa may konstruksyon at pagpapatambak malapit sa lugar, na dapat raw ay daluyan ng tubig.

Nanawagan sila sa lokal na pamahalaan na ayusin na ang kanilang drainage system para maiwasan na problema sa baha.

Bisitahin ang Patrol.PH para sa iba pang mga balita.