MAYNILA - May bagong direktiba si Pangulong Rodrigo Duterte sa mga awtoridad para mabawasan ang krimen sa mga lansangan.

Sa kaniyang talumpati sa harap ng bagong promote na uniformed personnel, sinabi ng Pangulo na ang mga lansangan ay para lang sa mga sumusunod sa batas.

"Ang mga criminal dapat diyan, ang mga durugista, they are not supposed to be there. So my directive is ‘pag mag-istambay-istambay diyan sa, umuwi kayo. Kay ‘pag hindi kayo umuwi ihatid ko kayo doon sa opisina ni ano—Pasig. Ako nang bahala. Ilagay mo lang diyan. Talian mo ‘yung kamay pati—ihulog ko yan diyan sa…" aniya.

Kapag may makita aniyang mga tambay sa kalye, sitahin sila at pagsabihang umuwi sa kani-kanilang mga bahay.

"Do not … You be strict. Part of confronting people who do not do nothing and just idling around, they are potential trouble for the public," ani Duterte.