MAYNILA (2nd UPDATE)—Nagdulot ng pagbaha sa iba't ibang parte ng Metro Manila ang malakas na pag-ulan dahil sa habagat na pinag-iibayo ng bagyong Domeng nitong Sabado ng gabi.

Sa Maynila, mataas na ang baha sa UN Avenue sa kanto ng Taft Avenue at di na madaanan ng light vehicles. Sa TM Kalaw Street naman, hindi na ito madaanan ng light at AUV vehicles.

Sa may tuhod na ang baha simula Padre Burgos hanggang sa may tapat ng Manila City Hall, habang lagpas-gutter na ang baha sa Morayta hanggang Lacson Street sa España.

Pinapayuhan ang mga motorista na maghanap muna ng alternatibong daan.

TINGNAN: Baha na rin sa Blumentritt St. sa Sta. Cruz, Maynila (as of 11:36 p.m.) #FloodPatrol | via Bayan Patroller Carl Louie M. Beredo pic.twitter.com/7NoXAbibV9

— ABS-CBN News (@ABSCBNNews) June 9, 2018

Lubog na rin sa baha at di na madaanan ng mga sasakyan ang NS Amoranto Sr. Street sa Quezon City. Sa Commonwealth Avenue, halos hindi na makakita ang mga nagmamaneho dahil sa lakas ng ulan at hangin.

Nagsisimula na ring bumaha sa Tomas Morato Avenue bago dumating ng Boy Scout Circle kung saan gutter-deep sa kalsada.

TINGNAN: Tumirik ang isang sasakyan sa binahang bahagi ng Mo. Ignacia Ave., Quezon City #FloodPatrol | via @rowegie_abanto pic.twitter.com/5GumiyZaDj

— DZMM TeleRadyo (@DZMMTeleRadyo) June 9, 2018

TINGNAN: Tomas Morato Avenue sa Quezon City, binaha dahil sa malakas na ulan | via @RonLopezPH pic.twitter.com/BOCvkBCugA

— DZMM TeleRadyo (@DZMMTeleRadyo) June 9, 2018

TINGNAN: Sa Sct. Tobias, hindi makadaan ang ilang pauwi galing trabaho dahil sa malalim na baha. May ilang mga sasakyan na sumuong pa rin habang ang ilan ay umatras na lang. | via @ernie_manio pic.twitter.com/DFJ4Gh46AW

— ABS-CBN News (@ABSCBNNews) June 9, 2018

TINGNAN: Lubog na sa baha at hindi na madaanan ng mga sasakyan ang N. S. Amoranto, Sr. St., Brgy. Sto. Domingo, Quezon City #FloodPatrol | via Bayan Patroller Roel Ausencia Bocog pic.twitter.com/fLyRvuMXv3

— ABS-CBN News (@ABSCBNNews) June 9, 2018

Baha sa ilang lugar sa Mandaluyong, gutter deep na at pahirapan na rin ang pagdaan ng mga sasakyan #WeatherPatrol | ulat ni @arraperezDZMM pic.twitter.com/Fq2vrr6uke

— DZMM TeleRadyo (@DZMMTeleRadyo) June 9, 2018

Lagpas-gutter na rin ang baha sa ilang bahagi ng Mandaluyong, partikular sa Boni Avenue papuntang Mandaluyong City Hall, at Shaw Boulevard kanto ng M. Yulo.

Sa F. Blumentritt Street, San Juan, lagpas gutter din ang baha at pagdating sa F. Manalo, nasa hita na ang baha.

Watch more in iWantv or TFC.tv

Heavy rain along McKinley Road, Taguig City. Motorists are advised to take caution. #FloodPatrol | via @lady_vicencio pic.twitter.com/kMgkf85551

— ABS-CBN News (@ABSCBNNews) June 9, 2018

Samantala, umabot na sa 13.8 metro ang water level ng Marikina River bandang alas-11:15 ng gabi, ayon sa Marikina Public Information Office.

--May ulat nina Fred Cipres, Arra Perez, at Ron Lopez, ABS-CBN News