Sumugod sa Manila Police District headquarters ang isang grupo ng mga tindero Miyerkules para iprotesta ang umano'y pangongotong sa kanila ng ilang pulis.

Bitbit ng mga miyembro ng United Vendors Alliance ang mga larawan umano ng ginagawang pangongotong ng mga pulis-Maynila.

Binarikadahan naman ng MPD ang gate ng kanilang tanggapan sa United Nations Avenue laban sa mga raliyista.

Mga vendor, nagpoprotesta sa labas ng Manila Police Headquarters laban sa 'kotong cops' | via @Dennis_Datu pic.twitter.com/8WWXvaFCco

— DZMM TeleRadyo (@DZMMTeleRadyo) March 15, 2017

Ayon sa tinderong si John Dex Ditire, nasa P200 kada araw ang sapilitang kinukuha sa kanila ng mga "kotong cop."

Tuwing tumatanggi anya silang magbayad, hinuhuli sila ng mga pulis o kinukumpiska at sinisira ang kanilang mga paninda.

Sinibak na ni MPD Director, Chief Supt. Joel Coronel ang 5 inirereklamong pulis matapos makipag-dayalogo sa mga vendor.

MPD Director, C/Supt.Joel Coronel, kinakausap na ang mga lider ng nagrereklamong vendors | via @Dennis_Datu pic.twitter.com/BOTQj6Nr5o

— DZMM TeleRadyo (@DZMMTeleRadyo) March 15, 2017

Hindi muna pinangalanan ni Coronel ang mga nasabing pulis, pero kinumpirma niyang mula ang mga ito sa MPD-Station 5 at may mga ranggong Senior Police Officer 3, Police Officer 3 at Police Officer 1

Binigyan anya niya ang 5 pulis ng 24 oras para magreport sa MPD headquarters.