Warehouse ng mga smuggled iphone 7,macbook at mga high-end communication & electronic gadgets,sinalakay ng BOC sa Tondo,Maynila pic.twitter.com/00yY8Lqi0H

— Dennis Cabral Datu (@Dennis_Datu) February 1, 2017

Milyun-milyong halaga ng umano’y smuggled na smartphones, laptops at high-end communications at electronic gadgets and nasabat ng Bureau of Customs sa raid na isinagawa sa isang warehouse sa Lakandula Street sa Tondo, Maynila.

Ang raid ay isinagawa matapos makatanggap ang Bureau of Customs ng intelligence report na isang online shop ang nagbebenta ng high-end communications at electronic gadgets na kaduda- duda ang paraan ng pag-i-import.

Kabilang sa nasabat ay kahon-kahong iPhone 7, MacBook, Samsung Galaxy at mga tablets, cameras, music players at audio accessories.

Napag-alaman na ang Kimstore ay pagmamayari ng isang Filipino Chinese na taga Binondo na nasa negosyo ng online selling pero umano’y mga smuggled items and ibinebenta.

Tanging mga tauhan lang ang naabutan sa na-raid na warehouse na walang maipakitang import documents.

Ikinandado muna ang nasabing warehouse habang patuloy ang imbestigasyon.