Watch more in iWantv or TFC.tv

Isang MMDA Constable, nabangga ng isang bus sa EDSA Muñoz Southbound. @ABSCBNNews please send rescue @MMDA pic.twitter.com/TPFIk9UqGk

— Isay Reyes (@isay_reyes) January 20, 2018

MANILA - Nabundol ang isang traffic enforcer ng pampasaherong bus na kaniyang sinita dahil sa paglabag sa batas trapiko sa EDSA, Quezon City ngayong Linggo ng umaga.

Pinara ng biktimang si Ferdinand Junio ang Pascual bus dahil sa pagbababa at pagsasakay ng mga pasahero sa maling lugar.

Pero dahil madilim ang lugar, hindi umano nakita ng driver na si Joseph Ib-ib ang kumakaway na traffic enforcer

"Bigla akong napapreno, pero huli na.Yung preno ko ang nakatama sa kaniya," ani Ib-ib.

Napadaan naman sa lugar ang isang rescue volunteer na umalalay kay Junio hanggang maisugod siya sa ospital.

"Nagagalaw naman niya katawan niya, conscious naman siya pero hindi niya matandaan [ang nangyari]," sabi ng rescuer na si Maynard Kho.

Mahaharap sa imbestigasyon ang driver ng bus. Ulat ni Isay Reyes, ABS-CBN News