Aksidenteng natuklasan ng mga sundalo ng 2nd Mechanized Infantry Battalion ang isang taniman ng marijuana sa Baranggay Kiazar, bayan ng Tagoloan, Lanao del Norte Linggo ng umaga.

Reresponde lang sana ang mga sundalo sa awayan ng dalawang political clans nang madaanan ang plantasyon.

Agad na kinuha ang tinatayang 3,000 na marijuana at sinunog ang mga ito sa tapat ng munisipyo.

Ayon kay Inspector Teodorico Gallego, hepe ng Tagoloan PNP, wala pa silang nakasuhan dahil inaalam pa kung kanino ang lupaing pinagtamnan ng mga marijuana.