Watch more in iWantv or TFC.tv

"Petsa de peligro" na naman kaya dapat ay todo-tipid ang mga tao.

Kung wala sa budget ang bumili ng mas makarneng baboy ay maaari kang mag-recycle o bumili ng buto-butong baboy at gamiting sangkap sa kaldereta.

Bumisita sa "Umagang Kay Ganda" nitong Huwebes ang guest kusinero na si Leopoldo Cabaltera para ibahagi kung paano gumawa ng kalderetang buto-buto.

Ihanda lamang ang mga sumusunod na sangkap:

• Mantika
• Bawang
• Sibuyas
• Buto-buto ng baboy
• Tomato sauce
• Tomato paste
• Carrots
• Patatas
• Green peas
• Siling labuyo
• Red at green bell pepper
• Liver spread (opsiyonal)
• Asin
• Paminta
• Asukal
• 1 kutsarang bread crumbs (opsiyonal)
• 1 kutsarang peanut butter

Paraan ng pagluluto

Igisa ang bawang at sibuyas at ilagay ang buto-buto ng baboy.

Timplahan ng asin at paminta saka ilagay ang tomato sauce at tomato paste.

Haluin at hayaan nang isang minuto.

Isunod na ilagay ang sabaw na pinaglagaan ng baboy.

Ilagay naman ang isang kutsarang peanut butter at isang kutsarang breadcrumbs.

Pakuluin hanggang lumapot ang sabaw.

Timplahan ng isang kutsarang asukal.

Hayaan ng limang minuto hanggang maluto.