MANILA - Pabor si Miss Universe 2015 Pia Wurtzbach sa posibilidad ng pagbabago sa mga patakaran ng pagpili ng mga Pinay na ilalaban sa international beauty pageants mula sa Binibining Pilipinas, partikular diyan ang Question and Answer portion.

"Now that we've seen the new format of Miss Universe, we also know that Q&A is going to be pretty tough. You know, I am excited to see if Binibining Pilipinas will change its format as well, which I think they should," ani Pia.

Pagsunod din ito sa nagbabagong patakaran ng international pageants na napanood sa nakaraang 65th Miss Universe na naganap dito sa bansa.

"I think Binibini should focus more on the question and answer because from what we remember, 10% lang ng judging ang Q&A. Pero kapag nanood tayo ng Miss Universe ngayon, minsan 'yun ang make or break moment na sa girls. I think we should really try to change it a little bit and focus more on the question and answer," ani Pia.

Ngayong tapos na ang kanyang reign bilang Miss Universe, pinag-aaralan na ni Pia ang mga alok na magbalik-showbiz.

"There are offers to go back to showbiz and I'm glad. Finally, I get to do showbiz because I've always imagined myself going back to that anyway," ani Pia.

Sa mga nagsasabi na tila perpekto na ang kanyang buhay, sinabi ni Pia na hindi pa rin naman nawawala ang mga pagsubok sa kabila ng kanyang pagiging Miss Universe.

"Sana nakakakain ako nang hindi ako tumataba. Aside from that, you know, it's innate na in me na inaalagaan ko 'yung family ko because I grew up as the breadwinner of the family. To me, parang bumalik ako sa dati, I'm taking care of my family again," aniya.

Inspired si Pia ngayon sa boyfriend na si Marlon Stockinger. Pero gaya ng ibang celebrity couple, nabibiktima rin sila ng bashers.

"I really don't understand why people would have anything bad to say about us because I think we are just a reflection of every other couple there is out there. We are happy," aniya.

Sa usapang kasalan, inamin ni Pia na wala pa siyang planong mag-settle down dahil ini-enjoy muna niya ang magagandang oportunidad na dumarating sa kanya.