Hindi nakaiwas sa tanong ng entertainment press ang actress-TV host na si Maine Mendoza tungkol sa namamagitan sa kanila ni Arjo Atayde nitong Huwebes.

Nakorner si Maine tungkol sa isyu matapos ang naganap na media conference ng 2018 Metro Manila Film Festival movie entry na "Jak Em Popoy: The Puliscredibles". Isa si Maine sa mga lead stars ng pelikula kasama sina Vic Sotto at Coco Martin.

Dahil sa diretsahang tanong, napaamin si Maine sa kasalukuyan na estado ng relasyon nila ni Arjo, na isa rin sa cast member ng proyekto.

• ‘I’m happy he’s happy’: Amid Arjo-Maine rumors, Ria comes to brother’s defense

"Friends kami," paglilinaw ni Maine sa tanong ng press.

Watch more in iWantv or TFC.tv

At nang tanungin kung nanliligaw na ba sa kanya si Arjo, paglilinaw ni Maine: "Hindi, friends kami, were going out as friends."

Hindi rin itinanggi ni Maine na lumalabas talaga sila ni Arjo, matapos ilang beses makita at makunan ng litrato na magkasama.

• LOOK: Arjo, Maine spotted wearing matching outfits amid dating rumors

"Getting-to-know-each-other phase — siyempre paano mo makikilala ang isang tao kung hindi kayo magsasama at mag-uusap?" ani Maine.

Samantala, hindi naman nakadalo si Arjo sa nasabing press conference, sa kabila ng pagiging bahagi niya "The Puliscredibles." Abala noon ang aktor sa taping ng "Maalaala Mo Kaya," na pagbibidahan niya at ng kapatid na si Ria sa darating na Sabado.