MANILA -- Inalala ng aktres na si Karla Estrada ang simpleng buhay noon kasama ang panganay niyang anak na si Daniel Padilla.

Sa Instagram, ibinahagi ni Karla ang larawan ni Daniel noong ito ay bata pa at kakatapos pa lang ng pre-school.

Pinaalala ni Karla sa anak kung gaano silang kasaya noon kahit simple lang ang kanilang pamumuhay. Kaya ngayon na masagana ang kanilang buhay, wala silang dahilan para hindi maging maligaya.

A post shared by KARLA ESTRADA (@karlaestrada1121) on Oct 21, 2017 at 8:57pm PDT

"Graduation mo 'yan ng pre-school, sa UP tayo nyan. After mo mag-tumbling tumbling dyan sa damuhan nag picture tayo. Sinabit ko muna 'yung sandwich mo na nasa supot na puti sa sangga sa tabi mo. Pagkatapos nyan, laro ka na uli. Noong sapat lang ang buhay para sa ating mag-ina ay maligaya tayo. Kaya dapat sa buhay na masagana, dapat walang dahilan na hindi tumawa. Ipagdiwang natin ang kontento at masayang buhay mga anak!" ani Karla na isa sa hosts ng "Magandang Buhay."

Magkatrabaho sina Karla at Daniel sa pelikulang "Gandarrapido: The Revenger Squad" na ipapalabas sa Disyembre 25, Araw ng Pasko.

Maliban sa pelikula, bida rin si Daniel sa sikat na seryeng "La Luna Sangre" kasama ang leading lady nito na si Kathryn Bernardo.