Kasunod ng maraming espekulasyon sa magiging pwesto niya sa Duterte administration, kinumpirma na sa wakas ng National Youth Commission (NYC) na si Aiza Seguerra na ang bagong chairman ng ahensya.

In-announce ang pagtalaga kay Aiza sa convention ng NYC sa Quezon City kaugnay ng darating na Sangguniang Kabataan elections at iba pang programa ng ahensya.

Pasok ang 32 years old na dating child star sa age requirement ng posisyon na dapat hindi lalagpas ng 35 yrs old.

Nauna nang naiulat na ina-appoint si Aiza ni Pangulong Rodrigo Duterte bilang Commissioner ng National Commission for Culture and the Arts, bagay na itinanggi niya.

Swak sa advocacy ni Aiza ang NYC kung saan din nagsimula ang mga tulad nina Senator Bam Aquino at Joel Villanueva. Mag-o-oath taking si Aiza kay Pangulong Rody sa Martes.