PatrolPH

Asawa ng nawawalang Pinay sa California arestado sa umano'y pagpatay sa biktima

ABS-CBN News

Posted at Oct 20 2021 12:17 PM | Updated as of Oct 20 2021 10:43 PM

Watch more on iWantTFC

CALIFORNIA—Inaresto ng mga pulis nitong Miyerkoles (Manila time) sa San Diego, California ang asawa ng nawawalang Pinay dahil umano sa pagpatay at pagkawala ng biktima.

Hinuli ng mga awtoridad si Larry Millette sa bahay ng mag-asawa sa Chula Vista dahil sa kasong murder.

Hindi pa nahahanap ang katawan ni May Millette na pinaniniwalaan na pinatay.

Ayon sa pulisya, halos 10 buwan nang nawawala ang biktima matapos itong makipagkita sa isang divorce lawyer noong Enero 7 dahil sa marital problems.

Nitong Hulyo, pinangalanan ng mga pulis na "person of interest" si Larry dahil sa pagkawala ng kaniyang misis.

May 3 anak ang mag-asawa na nagsama ng higit 20 taon.—May ulat ni Steve Angeles, ABS-CBN News

Watch more in iWantv or TFC.tv

 

Bisitahin ang Patrol.PH para sa iba pang mga balita.