Search and rescue operations sa 2 batang natabunan ng landslide sa Baguio patuloy

MAYNILA—Patuloy ang search and rescue operations ngayong Miyerkoles sa 2 batang nawawala matapos magkaroon ng landslide sa Baguio City.

Ayon kay Baguio City Mayor Benjamin Magalong, gumamit na ng life detector device ang rescuers upang matunton ang 2 biktima.

Narekober nitong Martes ang bangkay ng ama ng mga bata habang nakaligtas naman ang kanilang ina, ani Magalong.

Dahil sa pananalasa ng Bagyong Maring, nagkaroong ng 9 na landslide sa Baguio City.

Sa kasalukayan, nasa 30 porsiyento ng mga kabahayan ang wala pang kuryente.

Two missing kids in Baguio City not yet found. Their house were washed away by the landslide due to Typhoon #MaringPH . City police and fire department personnel resume search and rescue operations. They have shoveled 10 meters deep but no signs of the kids. pic.twitter.com/UA0MOBrtjy

— Jacque Manabat (@jacquemanabat) October 12, 2021

• 'Maring' binayo ang ilang parte ng Luzon; ilang residente namatay, nawawala

Ayon sa National Disaster Risk Reduction and Management Council nitong Martes, aabot na sa 9 katao ang naiulat na patay sa pagbayo ng Maring habang 11 katao naman ang nawawala. 

May 2 ring nasugatan, ayon kay NDRRMC Executive Director Ricardo Jalad. 

Kabilang sa mga namatay ang ilang paslit at ang mga kamag-anak nila. —May ulat ni Jacque Manabat, ABS-CBN News