Suspek nagtangkang tumakas, sumemplang, nahuli

Arestado ang isang lalaki sa Surigao del Norte dahil sa iligal na droga. Naaktuhan ng mga awtoridad ang transaksiyon sa pagitan ng suspek at isang poseur buyer kaya't dali-dali nila itong inaresto. 

Nagmadali namang sumakay sa kaniyang motor ang suspek at tinangkang tumakas, ngunit kalaunan ay naabutan din siya ng pulisya matapos sumemplang ang motor na sinasakyan niya.

— Ulat ni Jeck Batallones, ABS-CBN News