Drive-thru Vaccination sa Caloocan, umarangkada na

MAYNILA— Umarangkada na ang drive-thru vaccination para sa delivery riders sa Caloocan City. 

Nasa 2,500 delivery riders ang target mabakunahan dito. 

Ayon sa Caloocan city government, mahalaga na bakunado ang mga delivery riders dahil isa sila sa madalas humarap sa mga tao ngayon.

Online appointment ang sistema sa pagpapabakuna dito. 

Bukod dito, may drive-thru vaccination din sa SM Center Sangandaan sa South Caloocan.

Nasa mahigit 1 milyong doses ng bakuna na rin ang naiturok sa Caloocan, at 363,000 tao na ang fully vaccinated.

— Teleradyo, 19 Agosto 2021